Velkomin á kínverska nýárshátíð á laugardaginn
Konfúsíusarstofnunin Norðurljós heldur upp á kínverska nýárið, sem er ár kanínunar að þessu sinni, með veglegri nýárshátíð á Háskólatorgi í HÍ nk. laugardag (4. febrúar) kl. 14:00 – 16:00.
Boðið verður upp á alvöru kínverska nýársstemmingu með atriðum á sviði og síðan verður kynning á kínverskri menningu. Kínverski drekinn mun láta sjá sig og dansa fyrir okkur í byrjun.
Kínverska nýárshátíðin á Háskólatorgi er nú endurvakin eftir að hafa legið niðri undanfarin þrjú ár. Við hlökkum mikið til að gefa Íslendingum tækifæri til að sjá hvernig Kínverjar halda upp á sína helstu hátíð, kínverska nýárið eða vorhátíðina eins og það er einnig kallað.
Dagskrá hátíðarinnar er eftirfarandi:
Dagskrá á sviði
- Drekadans
- Kínverskur hörpuleikur
- Einsöngur á kínversku
- Barnakór syngur á kínversku
- Sýning á hefðbundnum kínverskum klæðnaði
Eftir atriði á sviði verður kynning á kínverskri menningu, m.a.: Tesmökkun, sýning á kínverskum bókum, matarupplifun, kínversk skrautskrift, mátun á hefðbundum kínverskum fötum, kennsla á kínverska hörpu, kínversk táknaáskorun, prjónaþraut, og lukkuhjólið sívinsæla.
Ókeypis aðgangur, öll hjartanlega velkomin!